كنت عايز احكي لاحمد عبدالله لما شفته فجاة جنبي في الجامع و مامي جنبي..
كنت عايز احكيله مين ماما عايدة
بس ما كانش فيه وقت ساعتها..
ماما عايدة…
احنا 3 اجيال ماما عايدة ربتنا… بنحبها اوي اوي.. كنا كلنا زعلانين لما تعبت فجأة من 10 ايام .. بس فجاة الزعل ده راح.. بس هتوحشنا.. اوي اوي برضه
—
اخر مرة كانت بتحكيلي.. كنت انا زعلان لسبب ما مش فاكر ايه اوي. كانت بعد ما ماما رام ما اتوفيت من كم سنه..
كنت عالسفرة باكل و اول مرة اسال و تجاوب.. واسال و تحكي..
مامي حكت لي حاجات وكاني سمعتها كتير لكن برضه كانها اول مرة:
حكت لي ازاي باباها (جدي) اللي كانت متعلقة بيه اوي مات…
بالتفصيل…
مات و هو صغير اوي فجأة
( طول عمرها كانت محتفظة بصورة جدي جوة دولابها)
و ازاي فضلت و هي طفلة تندهله مش فاهمه ليه مش بيرد و ازاي مامتها جدتي ماما بطة عرفت تخرجها من ده..
حكت لي في كام جملة تاريخ طويل لجدتي ماما بطة و اولادها الكتير و سفرهم و عزالهم و إصرار جدتي انها تربيهم وكأن جدي موجود …
بس الغريب
مامي فضلت تفتكر لحظات كأنها لسه حاصلة… و تحكيها بالتفصيل..
—
اهو انا هافتكر لحظات كده طول عمري من النهارده
..
حسيت ان جدتي ماما بطة كانت موجودة و جدي كمان و ماما رام.. كلهم
و كل ما اقول مش عارف اعمل ايه.. امسك التابوت من فين و كده.. الاقيهم حركوني..
لقيت نفسي في وسط كل حاجه وانا عمري ما عملت كده
و لا اعرف الدفن ده ازاي
لقيتني انا اللي بافك الكفن بنفسي تحت في القبر
و انا اللي ظبطتلها رقدتها مع الراجل اللي بيدفن ..
و كلمتها . و بوستها
و وصلتلها بوسة من سلوي اللي ما قدرتش تيجي الدفن
و مسكت كشافات نور نورت نور للبنا عشان يبنوا الحجر
و طلعت فوق للعيلة
و نزلت تاني لمامي
و لما طلعت اخر مرة..
كنت هاضرب شيخ كده مانعرفهوش ريحته وحشه! وهابي شكله! عمال يقول عذاب قبر و اتعظوا و جهنم و بئس المصير! لول
واحد فصيل.. قال لي اسمه حسن بس شكله كداب.. و سكته. و جه اتنين جمال شيخ تامر و صاحبه.. رتله مع بعض ادعيه رحمه و قران
كانوا زي البلسم.. لسه سامع تناغم صوتهم مع بعض
..
كانني كنت مش انا.. حسيتهم بيساعدوني. . كلهم..
جدتي و ماما رام و كلهم.. كانوا هناك انا متاكد
بس
اهم حاجة..مامي
حسيتها مبسوطة..
في سلام
بس حسيتها زعلت شوية من الوهابي ابو ريحه.. و حسيتها ضحكت لما نهرته .. (اصلي قلت له بالراحة كذا مرة الاول.. قول حاجة لطيفة.. قول شئ لطيف ! بعد كده كنت هاضربه.. شكله خاف و غير كلامه بعدها.. سمعت مامي بتضحك و بتقول.. يادي الايه.. كنت هاتضرب الراجل.. كويس ان هشام حاشك :). )
و حاستها زعلت شوية لما سامية و داليا صوتهم علي و عياطهم علي.. و داليا راحت قايله لي.. لا ما تقفلوش عليها علي الاخر! (كان ساعتها البنا بيحاولوا يلاقوا حجر مقاس آخر جزء..)
ساعتها حسيت حد (مامي طبعا انا عارفها 🙂 ) لخبطت لهم المقاسات.. و فعلا فضلوا حايسين خبة حلوين!
حسيت ان مامي كمان صعبت عليها داليا.. وكانت مستنية لازم داليا توافق و تسلم عشان يحصل السلام الأخير. رحت قلت لداليا.. شفتي يا داليا .. عشان لسه مش عايزاهم يقفلوا عليها…
…
و اخيرا لما قفلوا باجزاء.. لكن تاني ماتفهمش ايه اللي حصل (مامي خليتهم حايسين شوية) رجعوا و جابوا جزء حجر اكبر و هاتك يا تكسير. عشان الجزء من الحجر يقضي. و انا امسك النور احوش بيه الطاير من التكسير.. و شوية طارق بالجاكت بتاعه..
…
لحد ما سلمنا…
و سلمت داليا
و سلمت مامي
….
و اتقفل القبر
بس غير كدة. كانت في سلام..
كلنا حاسيناه
…
هتوحشني
كانت بتنبسط اوي لما ازورها في بيتها.. عشان كنت باوحشها..
اديها هي اللي هتوحشني بقي بقيت الوقت كله
..
الشيخ تامر و صاحبه
معرفش دول ايه.. الإضاءة و كله زي الحلم.. كان زي مشاهد التنقيب عن المقابر الفرعونية… كله … العمال و الحجر اللي بيتقطع عشان يقفلوا القبر و الغروب و الضلمة .. و الرمل و التابوت و الكفن.. و الناس الكتير..
ماما عايدة…
سامعها بتقول..
ماتزعلوش.. ما تعيطوش.. انا معاكوا و شايفاكوا و باحبكوا .. و مش زعلانة من حاجة.. هو انا بازعل من حد ..
خلوا بالكوا علي بعض
مالكوش غير بعض
بمابيتبقاش مننا .. غير حبنا
ماما عايدة
البقاء لله.. البقاء للحب..
kalnaga - خالد أبوالنجا 
De :MEDJBARI Nawel [mailto:nawel.abc@algermedina.net] Envoyé : mardi 1 avril 2014 09:26 À : ma_slimani@arcofina.net Cc : z.abba; n.gherbi@algermedina.net Objet : contrat de climatisation TOUR ABC ( entreprise FACT Algerie ) Monsieur SLIMANI Bonjour , En réponse au mail qui vous a été adressé par M. NABET , je vous informe que le responsable de FACT Algérie s’est présenté au BET pour signé son contrat et cela fait plus de quinze jours. Il s’est aperçu que la clause de l’avance à la commande ni était pas sur le contrat, le responsable de FACT Algérie a appeler M.NABET pour explication car la clause de l’avance figurait sur le devis présenté par FACT Algérie, en l’appelant au téléphone M.NABET leur a promis de voir M.SLIMANI afin de régler ce problème , depuis je n’arrête pas de l’appelé il me répond a chaque fois qu’il passerait prendre le dossier pour le régler et cela dure plus d’une quinzaine de jour, n’ayant pas obtenu de solution à ce problème tout en m’inquiétant du dossier qui restait à mon niveau j’ai fait appel au nouveau Directeur Technique en date du 31/03/2014 ,li m’a répondu qu’il va voir avec M.NABET . Comptant sur votre haute compréhension ,veuillez agréer Monsieur l’administrateur délégué à mes salutations.
الي أمي
الحب بيعيش للأبد. .
كل سنة و حبنا طيب..
البقاء للحب وللذكرى وللروح .. البقاء ليها جواكم 🙂
al baqa’ lilah. may God grant her the highest level of jannah, bring light to her grave and forgive all her sins. Make sadaqa jaariyah for her and remember her in your duaas. Not sure if you are Muslim, but if you are, maybe you can make hajj and/or umrah for her. take care
انا ممكن اكون بحسدك , انا لما حصلي موقف مشابه مع والدي الله يرحمه , كنت في حالة سكون رهيبة انا مش متخيلها ازاي قدرت لغيت ناو , بس انا كان نفسي انزل بابا للقبر تحت , ومش عارف ايه الي حصل , بس فيه حاجة مسكتني , مقدرتش انزل , مقدرتش اودعه في اخر مرة ممكن حد يشوفه 😦
انت برئ
SLC
New day waiting for you.
البقاء لله اقرا فاتحة عليها. كل ماشوفك احس انك طفل مظلوم مسكن والله
البقاء لله ويارب يثيتها ويجعل مثواها الجنة العمر الطويل ليك
يثبتها*
اخر حاجة تحت حطت لها ايدها اليمين فوق الشمال و بوستها و دعيت لها و قلت لها هتوحشنا..
حسيت فجأة كأنها بتبتسم و مش متضايقة.. بالعكس في سلام…..
AllAH BLESS YOU
من هديل:
سبتمبر الفات سألت ماما عايده إيه أحلي لحظات حياتك ؟ ردت و قالتلي لما كنت بولد و أشوف ال baby ولد ولا بنت
من هديل:
—- When I was around you all, I was feeling great, I love you all!
ده حقيقي يا هدوله.. لما بنكون مع بعض.. روح مامي بتكون سعيدة و بنحسها مبسوووطة اوي اننا مع بعض . ففعلا بنبقي سعداء و حاسين بيها معانا و شايفانا … كذا مرة يحصل ده… حتي امبارخ لما زرناها بعد العزا.. كانت منشكحة.. و داليا لسه هتعيط شوية.. باقول لها ماتعيطيش يا داليا .. فعلا داليا هديت.. و بقي في سلام في المكان. . عشان كده باقول لسلوي كفاية عزلة.. و لازم تيجي..
طبعا.. ده لا يمنع ان بعد ما سامية و محمد سيف قروا دعاء .. و آمييين..
كان في نقاش محمووم و هندسي عن سيميترية مكان الورد و مكان راس مامي و و و ..
اللي علي اثره لقيت تعبير علي وش احمد الفقي صاحبي ..
“انتوا عيلة … eccentric اوي”
مامي ضحكت.. و حسيتها قالت لاحمد
“هما كده.. هو انت شفت حاجه.. ههههه”
Lol
الله يسكنها اجمل مكان في الجنة
قد ايه الناس حباها وحبهم باين اكتر بكتير من حزنهم 🙂
الله يهنيها عنده 🙂 آمين
البقاء للحب..ماتزعلهاش بزعلك على فراقها..هى معاك بروحها دلوقت اكتر من اى وقت فات..خليك انت اقرب لها من اى وقت فات..حبها اكتر بإنك تاخد بالك من نفسك ومن حبايبك واصحابك وكل ال حواليك..وتكون دايماً بخير..قلبى معاك
حاضر 🙂
هاعمل كده 🙂
ما تزعلوش يا خالد
لإن فعلا كلنا هنا ضيوف.. شوية بس كده و بنكمل في حتت تانية وحنعمل قصص و حواديت تانية.. ..
خسارة ما شفتكش وانت بتضرب الراجل..
🙂