العادلي و غرفه جهنم!؟


حد خد باله من حاجه:

العدلي بيتحاكم بالقطاره. الأول بس علي غسيل أموال 4 مليون

و لما اتسال شفيق ليه ما يتحاكمش الأول و الادعي علي قتل المتظاهرين ؟ (الأسواني اللي سأله بالمناسبه)

شفيق قال ده بس روتين.و له دعوي بقضايا اتفتحت الأول بس!!!!
أنا باقول. كذب !
العدلي عنده أسرار كتير و خايفين منه. و العدلي نفسه صرح انه مش هيوافق يكون كبش فداء. و أتكلم عن غرفه جهنم (ده رساله تحذير لحد. مين مين مين؟؟؟ )

و لذلك كان من الطبيعي ان يطلبوا من شفيق ان يكسب وقت

رأيي من الأول واللي بالنسبه لي مكتوب علي وجه شفيق بالبنظ العريض: هو :
(ان كل المطلوب من شفيق هو كسب الوقت. و ده اللي قعدوا يطلبوه من الناس طول الأيام اللي فاتت. التحقيقات ماشية. و كله تمام. و حتي أقنعوا الجيش بهذا. إلا ان تمويع المواضيع الزاءد أصابنا و أصاب الجيش بصدمه علي ما يبدو. و شكرا للثوار في التحرير و غيرهم اللي ما بطلوش ضغط و للبرادعي و الشباب اللي وضح للجيش امتعاضنا )

بس يكسبوا وقت لأيه بالضبط؟

ايه الخطه؟

هممممممم

مش مهم. المهم. أننا لازم نخلي بالنا. ان كسب الوقت في موضوع محاكمه العدلي مش في مصلحه الثوره.

و ان السرعه الآن مطلوبه جدا في ملف العدلي بالذات. لأنني أكاد أسمع صدي وقوع أسماء أول ما ينفتح ملف العدلي الدموي. زي ما قال العدلي : غرفه جهنم هتتفتح !!! الرساله واضحه.

بس لمين لمين ؟؟؟

—–

نقول كمان:

جلسه محاكمه العدلي الأخيره تأجلت.
بس المره دي. في حاجه لازم تأخذوا بالكو منها:

عاااجل : قوات الأمن تمنع المصورين والقنوات الفضائية من دخول المحكمة التي يحاكم فيها العادلي

ممممم !! لم يسمح بالصحافه تكلم العدلي أو حتي تسمع العدلي قال ايه في الجلسه !!!!

الخوف أعظم المره دي منه.

هو العدلي شكله كده مفتاح لإسرار كتير

دي كانت نظره في موضوع محاكمه العدلي و تهديده بفتح غرفه جهنم! يقصد يهدد مين؟ الحدق يفهم

بس حبيت انبه. ان ده مهم
ليه ؟؟

لأن :

خبر -أمن مركزي وقناصة لتأمين محاكمة العادلي اليوم ومظاهرة تطالب بالقصاص

يعني لو اتخطط لفوضى و هو داخل أو خارج ممكن يخلصوا بالقناصه من العدلي من غير محاكمه تفتح ملفات !!! همممممم

بس أكيد العدلي مش عبيط و عنده ناس تنتقم بفتح الملفات لو مات. (أفلام أمريكاني أنا عارف. بس هو اللي احنا فيه ده اسمه ايه ؟؟ )

——

المهم. خلونا في الناس اللي شايفه المستقبل :

– دكتور محمد البرادعي : دستور مؤقت،جمعية تأسيسية لدستور جديد،انتخابات رئاسية ثم برلمانية هو طريقنا الى ديمقراطية تقوم على المشاركة الحقيقية وتكافؤ الفرص

صح كده