#jan25 #military #dictatorship #detainees

Amr el Behairy

Amr el Behairy

الحرية لعمرو البحيري .. و كافة المعتقلين السياسيين

عمرو عبد الله البحيري..

شاب مصري ، زيي و زيك..

بيحب بلده ، عمره ما مسك مسدس ولا بندقية ،

دافع عن افكاره في التحرير و في كل مكان بآراؤه و افكاره السلمية.

عمرو تم القبض عليه يوم ٢٦ فبراير الفجر،

من قدام اعتصام سلمي قدام مجلس الشعب وسط شباب كتير.

و قدام عشرات من شهود العيان. اتعامل معاه بعض رجال الجيش بعنف شديد.

تاني يوم، الجيش المصري اعتذر. و كلنا قبلنا الاعتذار.

لكن عمرو فضل محبوس..

و خلال ٣ ايام من القبض عليه، اتعرض لمحاكمة عسكرية،

و صدر حكم ضده بالحبس..

٥ سنين سجن..

٥ سنين ممكن يضيعوا من حياة شاب كان ممكن يكون أي حد فينا،

شاب مسالم ، ما استخدمش العنف ،

و وقف في الشارع عشان خايف على بلده

عشان بيحب بلده


تعالوا نقف جنبه،


و نقف جنب بلدنا،

و نطالب الجيش – اللي كلنا بنقدره – إنه يفرج عن عمرو.

و يفرج عن كافة المعتقلين من اول ٢٥ يناير للنهارده.

الجيش و الشعب ..   ايد واحدة.


الشعب عمل الثورة ، بنطلب من الجيش انه يحافظ على الثورة و شبابها.

و كلنا نحافظ على بلدنا


الحرية لعمرو البحيري.