Archive for March 8, 2011



 

This slideshow requires JavaScript.

من الآخر…

 

خالد ابو النجا

 

الشيطان يكمن في التفاصيل
فلندع التفاصيل جانبا للحظه…
الصحوه العربيه الكبري>>> أنا مواطن عربي فخور بعروبتي

—–

ساعات كتير بتأخذنا التفاصيل عن الصوره الكبيره

و لان الشيطان يكمن في التفاصيل عاده

أنسوا كل التفاصيل .. كلها .. بس للحظه.
لحظه تأمل.
و تعالوا معايا نشوف الصوره الكبيره
The Big Picture:

هابدأ من مصر :

زمان كتبت في مذكراتي كمراهق (ايوه أنا باكتب عن حاجات زي اللي هتقرأوه الآن في مذكراتي)
كتبت: ان عشان مصر تنهض لازم البلد دي يكون عندها حلم أو مشروع قومي المصريين يوءمنوا بيه و يلتفوا حوله.

تاريخيا كان المصريين لما ده بيحصل بيعملوا المعجزات

مش بس في مصر ده غالبا صحيح في أي مكان بس نشوف مثال :

تاريخ مصر المعاصر:

حرب أكتوبر (حلم الخروج من النكسه و إثبات القدره علي النصر)

الاستقلال من الاستعمار (حلم الحريه و إنهاء التبعيه و الوصايه الأجنبيه و إرجاع خير بلادنا في إيدنا )

ثوره يوليو (حلم الاشتراكية و العداله الاجتماعيه و القضاء علي الإقطاع و تمكين الشعب من السلطه و ال… ) نقف هنا لحظه:
ناصر تشجع بحلم الشعوب و تطلعاتها للحريه و العداله و الكرامه و نجح في تجميع الهمم و حلم بمجتمع السلطه فيه للشعب و الخير يسود الجموع بعدل
حلمنا و ناصر حلم معانا بوحده الوطن العربي الواحد من المحيط للخليج. و تحريرنا من الاستعمار و التبعيه بلد ورا بلد

روح الأمه كانت قويه و دافعه للأمام

حتي تجمد الحلم لحين إشعار اخر. أو ناصر أخر ينتظره الناصريين و ينتقده آخرون لإنحرافه عن طريق الديمقراطيه الموعوده

السادات أيضا لم يكن بالشجاعه ان يصلح المسار إلي الديمقراطيه الحقيقيه المنشوده و ان كان السادات شجاع بقراراته كزعيم
نجح بأن يحلم و حلمنا معاه بالسلام و إنهاء الحروب في المنطقه و حل عادل داءم للقضيه الفلسطينيه

حلم شجاع الهمنا و الهم العالم و بدأناه

و تمت محاولات مستميته و متوحشه لإفشال الحلم وحتي الآن ! و اغتيل السادات و فشل مبارك في إكمال الحلم

أما مبارك فلم يحلم!
و لم نحلم أو نلتف علي أي شئ له أي معني معاه !
كل ما كان يتكلم عن شئ مهم كان يتفاخر بما سماه استقرار! بينما هو في الحقيقه كان جمود و تجميد لأي تطور و تفاعل حقيقي

و أيضا استمر يلا ديمقراطية بل امعن في الإمساك بالبلد أمنيا و قبل أي شئ

و مر الزمن طويلا و ثقيلا علي قلوبنا جميعا.

بلا حلم. بلا مشروع قومي للأمه نلتف حوله و تدفأ قلوبنا بالأمل و بالحب لتحقيقه

دار الزمن و كأنه لا يدور
بلا معني
بلا أمل
بلا حب

لقد اختطف نظام مبارك و الانظمه العربيه المماثله أراده الوطن و امكانيه الحلم

حتي دقت ساعه الحقيقة

جاء الغضب و الحلم بغد أفضل لنا جميعا هذه المره و في ان واحد
و بدون زعيم
نوبه صحيان!
بعد كابوس طويل من الجمود و الانحدار

و ما أجمل هذا الحلم

لأنه بدون زعيم. و لأنه شعبي. و لأنه حقيقي. و لأنه طاهر. و لأنه شجاع. و لأنه طموح. و لأنه جاء بعد طول انتظار. و لأنه جاء رغم جو الإحباط المصري و العربي.
و لأنه جاء في أكثر العصور قمعا و تعذيبا و إهانه لكرامه الانسان.

ما أجمل هذا الحلم

لأننا التفينا حول الحلم في لحظه!. و بدون اتصالات أو تنظيمات أو أحزاب أو أدعياء دين

لأنه أعاد الروح للأمه

لأنه أعاد الأمل للناس

لأنه حلمنا نحن الشعب

كلنا معا في حلم واحد

فلنحلم معا بأمه حره قويه متحده ديمقراطيه و عادله

حلم اخواتنا التوانسه هو حلم المصريين هو حلم الليبيين هو حلم اليمنيين هو حلم العمانيين هو حلم البحرينيين هو حلم الجزائريين هو حلم السودانيين

هو حلم كل عربي.

و هذه حقيقه لا يمكن تجاهلها أو التقليل من حجمها العملاق

بل اعتقد أننا مهما حاولنا فلن نعطيه تقييما واضحا
لأن حجم هذا الحدث لم يحدث في التاريخ من قبل
الحدث الأعظم الذي أتحدث عنه ليس في إسقاط بن علي أو مبارك أو غيرهم من الحكام العرب واحدا تلو الآخر في مشاهد ثوريه متتاليه دراميه!

فهذه المشاهد نتيجه و ليست الاصل للحدث الجلل
نعم أنا أتحدث عن حدث جلل…

إنها الصحوه العربيه الكبري

تحدث الآن أمام أعيننا جميعا

عوده الروح للأمه العربيه

الثورات العربيه و صحيان الشعوب العربيه بلد ورا بلد هو الحدث الجلل

الحلم الشعبي العربي بوطن عظيم طالما انتظر ان يحقق طموحاته المشروعة هو الصوره الأعظم لما يحدث الآن .

لقد دقت ساعه الحقيقه

و هارجع تاني لمصر:

الآن و بدون ناصر

أمه عربيه شعوبها تصحو و تغضب و تثور و تنحي حكامها و تحاسبهم علي ما فات

أمه عربيه شعوبها تتصل ببعضها و تلهم و تؤازر بعضها البعض  دون زعماء او وزراء خارجيه يتلاعبون باراده الشعوب

فلتحيا الأمه العربيه

فلتحيا الأمه العربيه

فلتحيا الأمه العربيه

خالد أبو النجا
مواطن عربي فخور
——

——

و تعليق
من كريم حلمي:
إنت لوحدك تقدر تغيّر كتير أوي في مصر.. وإنت في التاكسي, الميكروباص, ع القهوة, مع الجيران, في مشوار مع أصحابك, قاعد في البيت مع إخواتك.. تقدر تتكلم عن الدستور والإنتخابات وتقول رايك وتسمع من اللي حواليك آرائهم.. التفاعل والنقاش دايماً بيفرز الأفكار, يقوّى الحق والخير, ويوّقع الأفكار المضللة أو الضعيفة.. البلد محتاجة كل واحد يتكلم ويقول ويعبّر عن نفسه وينفتح ع اللي حواليه, عشان ماحدش يسرق الحلم

BBNN “تحيا جمهوريه مصر العربيه”


http://www.washingtonpost.com/wp-dyn/content/article/2011/03/06/AR2011030602928.html


http://twitpic.com/49yz7d/full

بالرغم من أن التصويت المفروض علي رأي إبراهيم عيسى

في صالون ابراهيم عيسى: يجب أن يكون التخيير بين :هل توافق على التعديلات أم ترغب في سن دستور جديد وليس مجرد نعم أم لا

BBNN
……
لكن واضح أن المشير طنطاوي قرر لنا أن فيه احتمالين فقط : نعم او لاطيب لو قلنا نعم هيحصل ايه؟؟؟اولا دا معناه ان التعديلات هتضاف للدستور الحالى اللى بيدى رئيس الجمهورية صلاحيات غير محدودة 

ثانيا مضطرين اننا نعمل انتخابات مجلس الشعب قبل الرئاسة وده معناه ان الاخوان هما اللى هيكتسحوا لان هم الجهة الوحيدة المنظمة دا لان الحزب الوطنى خلينا واقعين محدش هينتخبهم تانى

وده لو حصل يبقى حضرتك بعد كده تحت حكم الاخوان وهتختار بين سلفى متشدد وسلفى نصف متشدد وسلفى مجنون

ثالثا مفيش حزب ليبرالى محترم اتأسس لسه وكل الكلام ده اللى شغال عن احزاب تحت التاسيس وحتى لو الاحزاب اتعملت دلوقتى تفتكر ان حتلحق تعمل مرشحين لكل محافظات الجمهورية؟؟؟

رابعا محدش يضمن الرئيس الى جاى لو كان ملاك حتى حيرضى يعمل دستور جديد ولا لا لان التعديل الدستور ى غير ملزم ليه وتقدر تتاكد بنفسك من نص العديلات

خامسا لو امكن عمل الانتخابات الرئاسية اولا وحلف الرئيس امام المحكمة الدستورية فمحدش يقدر يمنع صلاحياته وانه هيبقى رئيس الحزب اللى هو فيه ونرجع تانى لمشوار الحزب الحاكم وبلاويه

سادسا اللجنة المنتخبة لوضع الدستور الجديد – دا لو حب الرئيس طبعا- المفروض تنتخب من اعضاء مجلس الشعب ومش كلهم قانونيين بل ومش كلهم متعلمين ومبيعرفوش غير يناموا فى الجلسات او كلهم من الاخوان ودا اسوا لان ده معناه انهم هيفصلوا الدستور لحسابهم

طيب لو قلنا لا

اولا كل اللى فات مش هيحصل

ثانيا المجلس العسكرى هيضر يحط دستور جديد من ناس موثوقة عن طريق الانتخاب وده معناه شفافية اكتر

ثالثا ممكن يحصل طبعا شوية فوضى بس ده لفترة صغيرة احسن من الكارثة لو الدستور القديم رجع تانى او اتفصل واحد جديد من الاخوان والسلفيين

رابعا فى الدستور الجديد سيمكن عمل نظام القائمة النسبية مما يسمح للاقليات زينا الدخول ويكون لهم راى مؤثر

من فضلك لا تكن سلبى وفكر هتقول ايه

انا هقول لا

لانى اريد دستور جديد يقوم على العدل

فكرة مقاطعة الاستفتاء فكرة مرفوضة تماما لان معناها انك ستقبل ما تحكم به الاغلبية التى ذهبت لتقول رايها

من BBNN

—————

لمـــــــاذا أرفض التعديلات الدستورية المقترحة؟‬‬

‫‫
‫‫1- يلزم الدستور – حتى بعد التعديلات المقترحة – رئيس الجمهورية أداء اليمين أمام مجلس الشعب والشورى، أي انه لابد من إجراء الانتخاب البرلمانية أولا قبل الرئاسية، ‬‬وقبل إعطاء الفرصة الكافية لتكوين أحزاب جديدة والتعرف علي برامجها ومرشحيها.
‫‫علما بأن الكتلتين الوحيدتين المنظمتين حاليا والقادرتين على الخوض والفوز في الانتخابات ‬‬
هما جماعة الإخوان المسلمين وأعضاء الحزب الوطني.
‬‬
‫‫
‫‫
2- هذا المجلس هو الذي سيقوم بعد ذلك باختيار من سيقوم بصياغة الدستور الجديد، وبالتأكيدفان الدستور الجديد سيعكس إرادة هاتين الكتلتين.‬‬

‫‫
‫‫3- باقي مواد الدستور بعد التعديلات باقية كما هي وتعطى لرئيس الجمهورية كافةالصلاحيات ‬‬
‫‫الاستثنائية القديمة ومنها اختيار نائبا له بدون إجراء انتخابات على هذا المنصب.‬‬

‫‫
‫‫4– بقاء المادة التي تنص على نسبة 50% من العمال والفلاحين، وهى المادة التى أفسدت الحياة السياسيةطيلة ستين عام.‬‬‫‫

‫‫5- حظر الترشح لرئاسة الجمهورية لمن يحمل جنسية أخرى أو متزوج من غير مصرية أو ‬‬
‫‫أحد والديه يحمل جنسية أخرى. في حين انه يمكن الاقتصار على إمكانية الترشح بشرط ‬‬
‫‫تنازل المرشح عن الجنسية الأخرى.‬‬

‫‫6- لماذا هذا التعجل في الاستفتاء قبل: ‬‬
‫‫6-1 تواجد أمنى كاف.‬‬
‫‫6-2 وجود إمكانية إدلاء 40 مليون ناخب بصوتهم في يوم واحد.‬‬
‫‫6-3 السماح للمصريين بالخارج وعددهم من 7 إلى 10 مليون مصري بالإدلاءبأصواتهم.‬‬

‫‫
‫‫7- التعديلات لا تعطى المرأة الحق للترشح لرئاسة الجمهورية.‬‬

‫‫8- لا نوافق على ربط كل التعديلات في حزمة واحدة، إما تقبل كلها أو ترفض كلها.‬‬

‫‫
‫‫9- في حالة التصويت بالموافقة على التعديلات الدستورية سيكون دستور 1971 هو دستور ‬‬
‫‫البلاد بما يجهض الثورة التي قامت لإسقاط النظام، وبالتالي إسقاط هذا الدستور الفاسد.‬‬
‫‫إننا نريد تعديلات تعبر عن إرادة شعب الثورة بعد أن بذل فيها أغلى ما يملكه وهو حياة أولاده.‬‬
‫‫
‫‫من أجل مصر: لا تقاطعوا الانتخابات، بل أدلوا بصوتك
BBNN

——————-

من المخرج  احمد مدحت:

المخرج  احمد مدحت

المخرج احمد مدحت

هذه اسبابي لقول لا كبيرة

يبدو ان هناك ترحيبا شعبيا كبيرا من الجماهير للادلاء بصوتها في الاستفتاء علي التعديلات الدستوريه يوم السبت ١٩ مارس ٢٠١١

و هذه اسبابي لقول لالالالا كبيره في الاستفتاء علي التعديلات الدستوريه

باختصار شديد

-الثوره اما قامت اسقطت راس النظام و النظام و مؤسساته و دستوره

فانا بالنسبه لي ان هذا الدستور اسقط خلاص … الحكايه دي عامله زي فرقه كسبت فرقه تانيه و قبل ما تستلم الكاس قالولك تعالي ناخد راي الفريق المهزوم انت تستاهله و لا لأ

– الماده ٧٥ حرمت واحد زي الدكتور / احمد زويل او غيره انه ينزل الانتخابات في مقابل واحد زي مرتضي منصور  ليه الحق انه ينزل لمجرد انه مش مجوز واحده اجنبيه و بالتالي فهو اكثر وطنيه من واحد زي زويل

– نص الماده ١٨٩ لا يوجد بها كلمه تلزم اول رئيس منتخب بوضع دستور جديد … صحيح ان الماده ١٨٩ مكرر تلزم اول برلمان منتخب بتشكيل جمعية تاسيسية مكونه من ١٠٠ عضو ٥٠ منتخبين و ٥٠ مستقلين الا انها لا تلزم انها تستعين بال ٥٠ ٪ المستقلين يعني بالبلدي كده ممكن يجيبوا ١٠٠ عضو من المنتخبين اللي غالبا ح يكونوا فلول حزب وطني او اخوان و خلي اللجنة التاسيسيه اللي ح تشكل الدستور الجديد تفصله علي مزاجها، صحيح ح يكون فيه طرح للدستور قبل الاستفتاء عليه بس ده ح يكون في ديسمبر ٢٠١٢ …. مين يعيش

عشان كده انا ح اقول لا

– محدش سال نفسه ان الناس اللي بدات الثوره صعب جدا انهم يخشوا البرلمان …. عارفين ليه عشان اغلبيه الناخبين مايعرفهمش بس يعرفوا بتوع الوطني و الاخوان …. و اغلب ثوار ٢٥ يناير لسه ماعندهومش فكره بالمعارك الانتخابيه عشان واحد منهم يقدر ينجح و في النهايه الناس دي حتتهمش في وضع الدستور الجديد

– الغريب ليه مكملناش التعديلات التانيه اللي نحد بيها من الصلاحيات الشبه مطلقه اللي بيديها الدستور لرئيس الجمهوريه اللي بتكرس لحاكم بامره جديد يعني خد مثلا علي سبيل المثال و ليس الحصر

ماده ١١٢  …. يحق لرئيس الجمهورية اصدار القوانين او الاعتراض عليها

ماده ١٣٣ لو رفض مجلس الشعب برنامج الحكومه، رئيس الجمهوريه ممكن يحل المجلس او يقيل الوزاره …. انت و حظك بقي و مزاج الباشا

ماده ١٤١ حق رئيس الجمهوريه في تعيين الوزراء و اقالتهم من مناصبهم و بذلك يكون منصب رئيس الوزراء منصب شرفي

عشان كده انا ح اقول لا

– تعالوا بقي للاستقرار….. لو قلت نعم انتخابات مجلس الشعب و الشوري يخلصوا في اكتوبر ٢٠١١ … بعديها نقدم الطعون و محكمه النقض تفصل في الطعون ( الاتنين ح ياخدوا ٤ اشهر ) يعني تكون دخلت في فبراير ٢٠١٢…. انتخابات الرياسه ووضع دستور جديد  و انتخاب الجمعيه التاسيسيه عشان تحط دستور جديد ( ح يستغرق ٦ اشهر ) دخلت كده في نوفمبر ٢٠١٢ …. وبعدين بقي نطرح الدستور للمناقشه و بعدين الاستفتاء …. ديسمبر ٢٠١٢ و ربنا يديك و يدينا الصحة …. هو ده الاستقرار !!! بعدها ح يتحل مجلس الشعب و الشوري تلقائيا بعد اعلان الدستور الجديد و انتخاب مجلس شعب وفقا للدستور الجديد يناير ٢٠١٣ بعدها بشهر انتخابات مجلس شوري فبراير ٢٠١٣ ….. اوعي تكون زهقت عشان لسه الطعون ح نقدمها و بعدين محكمة النقض ح تفصل فيها دخلت في يونيو ٢٠١٣ …… و سلملي علي صحتك ……

عشان كده انا ح اقول لأ

في النهايه اقول ايا كانت النتيجه النهائيه يجب الانصياع اليها و احترامها

————————-

اما موقف الاخوان معروف

الاخوان شايفين ان  الموافقه واجب شرعي …:

http://www.ikhwanonline.com/Article.aspx?ArtID=80399&SecID=230

المحلاوي : نعم للتعديلات :: المشاركة في الاستفتاء على التعديلات الدستورية واجب شرعيا
مشيرًا إلى أن التعديلات الدستورية تضمن الانتهاء من كل مطالب الثورة المطلوبة،

و للاخوان  هذه اليافطه:

نعم للتعديلات الدستوريه … التصويت و الموافقه عليها واجب شرعي

اتركها لكم بدون تعليق:

——————–

كنت مش عايز حتي افتح الموضوع و التفاصيل للمواد : لاننا مش عايزين ترقيع دستور تاني يا اسيادنا : بس للعلم بالشيء لا اكثر

من عبد الرحمن السيد

Relayed From

Karim Sarhan
Sharkawy & Sarhan
Partner
IFLR Egypt Law Firm of the Year 2010
Tel:(+202) 2269 0881 Extension : 104
2 Metwaly El Sharawy St., Sheraton, Cairo, Egypt

Egyyptian Business Association  Abdul Rahman El Sayed

دليلك لفهم التعديلات الدستورية القترحة

المادة

موضوع المادة

الصياغة الحالية

التعديل المقترح

75

الشروط اللازم توافرها فى رئيس الجمهورية

مصرى من أبوين مصريين – 40 سنة

أضيف: عدم حصوله هو أو والديه على جنسية أخرى،ألا يكون متزوج من غير مصرية

76

شروط الترشح لمنصب رئيس الجمهورية

شروط تعجيزية تتطلب ترشيح 250 من أعضاء مجلس الشعب و الشورى و المحليات و لا تسمح للترشح إلا لمن هو فى الهيئة العليا لحزب سياسى

تخفيف الشروط بحيث يكفى:

الحصول على ترشيح 30 ألف مواطن من 15 محافظة بحد أدنى 1000 من كل محافظة،

أو 30 عضو من مجلس الشعب أو الشورى

أو أن يكون عضو فى حزب حصل على مقعد واحد فى مجلس الشعب أو الشورى و يرشحه الحزب

77

مدة فترة الرئاسة و عدد الفترات

6 سنوات و يمكن الترشح لعدد غير محدود من الفترات (مدى الحياة)

4 سنوات للفترة الواحدة و فترتين بحد أقصى

88

الإشراف القضائى على إنتخابات مجلس الشعب

الإشراف القضائى ناقص حيث أنه لا يشمل كل اللجان

إشراف قضائى كامل على كل اللجان

93

صحة عضوية أعضاء مجلس الشعب

مجلس الشعب هو من يفصل فى صحة  عضوية أعضاؤه فى حالة الطعن عليها (سيد قراره)

مجلس الشعب يلتزم بأحكام المحكمة الدستورية فى شأن صحة العضوية

139

تعيين نائب رئيس الجمهورية

تعيين نائب رئيس الجمهورية إختيارى

يلتزم رئيس الجمهورية بتعيين نائب

179

مكافحة الإرهاب

تبيح المادة إنتهاك الحرية الشخصية و حرمة البيوت و التنصت على المكالمات  و الرسائل الخاصة تحت مسمى مكافحة جرائم الإرهاب

إلغاء المادة

148

إعلان حالة الطوارئ

يعلن رئيس الجمهورية حالة الطوارئ لمدة محدودة و يجوز مدها بموافقة مجلس الشعب

يعلن رئيس الجمهورية حالة الطوارئ و لا يجوز أن تزيد مدتها عن 6 أشهر إلا بعد إستفتاء الشعب

189

تعديل الدستور

إضافة فقرة تلزم مجلس الشعب القادم بعد إنتخابه بإنتخاب جمعية تأسيسية من 100 عضو لوضع دستور جديد للبلاد


From Abdul Rahman
hey,
Thanks for publishing, but there is a mixup, I was just the messenger, the person who forwrded the email was the following

Karim Sarhan
Sharkawy & Sarhan
Partner
IFLR Egypt Law Firm of the Year 2010
Tel:(+202) 2269 0881 Extension : 104
2 Metwaly El Sharawy St., Sheraton, Cairo, Egypt

Abdul Rahman

%d bloggers like this: